خواب میں جھنڈا دیکھنا

Khwab me jhanda flag dekhna

حضرت امام محمد بن سیرین رحمۃ اللہ علیہ کے مطابق

خواب میں جھنڈا دیکھنا

جھنڈا خواب میں دانا مرد یا امام یا ایسا زاہد شخص ہے کہ جس کی لوگ تابعداری کرتے ہیں۔ اگر دیکھے کہ اس کے ہاتھ میں جھنڈا ہے۔ دلیل ہے کہ اسی قسم کے آدمی سے کہ جس کی اوپر تعریف ہوئی ہے آشنا ہو گا اور اس سے راحت پائے گا۔ اور اگر دیکھے کہ جھنڈا اس کے ہاتھ سے گرا ہے یا کھو گیا ہے تو اس کی تاویل اول کے خلاف ہے۔ حضرت ابراہیم کرمانی رحمۃ اللہ علیہ نے فرمایا ہے اگر دیکھے کہ اس کے جھنڈے کا سفر ہے۔ دلیل ہے کہ سفر میں جائے گا اور اگر دیکھے کہ لوگوں نے اس کو جھنڈا دیا ہے یا اس کے پاس لشکر جمع ہوا ہے۔ دلیل ہے کہ عزت اور بزرگی پائے گا خاص کر اگر جھنڈا سفید یا سبز ہو۔ حضرت جابر مغربی رحمۃ اللہ علیہ نے فرمایا ہے اگر دیکھے کہ اس کے ہاتھ میں بڑا سفید جھنڈا ہے۔ دلیل ہے کہ اس کی کسی بزرگ مالدار شخص سے صحبت ہو گی اور اس سے خیر و منفعت پائے گا۔ اور اگر دیکھے کہ اس کے پاس سبز جھنڈا ہے دلیل ہے کہ اس کا زاہد اور دیندار ہو گا اور اگر دیکھے کہ اس کے پاس سیاہ جھنڈا ہے دلیل ہے کہ قاضی یا خطیب ہو گا۔ حضرت جعفر صادق رحمۃ اللہ علیہ نے فرمایا ہے کہ خواب میں جھنڈے کا دیکھنا چار وجہ پر ہے۔ (1) سردار (2) سفر (3) مرتبہ (4) اچھے حالات۔

امام ابن سیرین


حضرت امام عبد الغنی نابلسی رحمۃ اللہ علیہ کے مطابق

(1) خواب میں جھنڈا عالم، زاہد، مالدار اور سخی مرد ہے جس کی لوگ اقتداء کرتے ہیں، سرخ جھنڈے لڑائی کی، زرد جھنڈے لشکر میں وبا واقع ہونے کی، سبز جھنڈے سفر میں خیر وخوبی کی، سفید جھنڈے بارش کی جبکہ کالے جھنڈے قحط کی دلیل ہیں، پریشان آدمی اگر خواب میں جھنڈا دیکھے تو اس کی پریشانی ختم ہو گی، عورت کے لئے جھنڈا اس کا خاوند ہے، بعض حضرات فرماتے ہیں کہ سیاہ جھنڈے کثیر بارش پر دلالت کرتے ہیں۔

امام عبد الغنی نابلسی

یاد رکھیں کہ یہ روایتی تعبیرات ہیں، حتمی پیشگوئی نہیں؛ اچھا خواب اللہ کی طرف سے بشارت ہے اور اصل علم اللہ کے پاس ہے۔