خواب میں تالا دیکھنا

khwab me lock dekhna

(۱) تالے کی تعبیر امانت دار آدمی ہے۔

(۲) بعض نے کہا ہے کہ خواب میں تالا دیکھنا صاحبِ خواب کے لئے باکرہ عورت سے شادی کرنے کی دلیل ہے۔

(۳) کسی قیدی نے دیکھا کہ اس نے تالا کھولا تو اس کا غم دور ہو گا اور اس کا معاملہ آسان ہو گا۔

(۴) خواب میں تالا دیکھنا حجت کی اور قوت کی دلیل ہے۔

(۵) اگر کسی نے خواب میں تالا کھولا تو صاحبِ خواب کو ایسی قسم کھانے سے بچنا چاہئے جس میں بیوی کی طلاق ہو کہ اگر وہ تالا کھل گیا تو میاں بیوی میں جدائی ہو گی۔

(۶) تالا ایسے معتمد آدمی پر بھی دلالت کرتا ہے جس کے پاس امانت رکھی جاتی ہے۔

(۷) اگر کسی نے دروازہ کو تالا لگایا تو وہ کسی آدمی کو کفیل بنائے گا یا اس سے کفیل کا مطالبہ کیا جائے گا۔

(۸) اگر کسی نے تالا کھول دیا تو وہ غم سے نجات پائے گا اور کفالت سے بری ہو گا۔

(۹) ہر بند چیز غم کی دلیل ہے اور ہر کھلی چیز غم سے نجات کی علامت ہے۔

(۱۰) خواب میں تالا دیکھنا شادی کے ارادہ کرنے والے کے لئے امانت دار، مدبرہ اور محتاط عورت پر دلالت کرتا ہے۔

(۱۱) تالا دلالت کرتا ہے موافق لونڈی ملنے پر جو لونڈی خرید نا چاہتا ہے۔

(۱۲) سفر کرنے والے کے لئے سلامت اور نگہبانی پر دلالت کرتا ہے۔

(۱۳) بہت سے لوہے کے تالے دیکھنا معاملات کے کھلنے اور علم کے دروازے پر دلالت کرتے ہیں۔

(۱۴) لکڑی کے تالے ازواج پر دلالت کرتے ہیں یعنی آزاد عورتوں اور باندیوں کے نکاح پر اور اولاد پر، علم اور حکمۃ پر اور مشکل کے آسان ہونے پر۔

(۱۵) کبھی تالا وعدہ کے پورے کرنے پر دلالت کرتا ہے۔

(۱۶) تالے غفلت پر بھی دلالت کرتے ہیں  جیسا کہ اللہ تعالیٰ کا فرمان ہے: (ام علی قلوب اقفالہا) ”یا ان کے دلوں پر قفل لگ رہے ہیں“۔

(۱۷) تالا کفیل وضامن پر بھی دلالت کرتا ہے۔

(۱۸) کبھی تالا عزت ورفعت پر بھی دلالت کرتا ہے اگر وہ لکڑی والے تالوں جیسا ہو۔

(۱۹) لکڑی کا تالا نفاق کی بھی علامت ہے اور قول میں تردد اور رشوت قبول کرنے پر بھی دلالت کرتا ہے۔

خواب میں تالا بنانے والا دیکھنا

khwab me tala banane wala dekhna

خواب میں گھر کے دروازے کو تالا لگانا نکاح کرانے والے کی دلیل ہے اور اپنی کوٹھڑی کو تالا لگا نا سامان بیچنے کے لئے دلالی کرنے کی علامت ہے  اور کبھی تالا بنانے والے کو دیکھنا رازوں کو چھپانے اور غیر شادی شدہ کے لئے نکاح کرنے پر دلالت کرتا ہے اور لکڑی کا تالا بنانے والا منافقین کو جھڑکنے والے پر اور لوہے کا تالا بنانے والا مشکل کو آسان سمجھنے والے پر دلالت کرتا ہے۔