خواب میں دعا کرنے کی تعبیر

Khwab me dua krne ki tabeer

(۱) خواب میں دعا کرنا بیداری میں عبادت کرنے یا خاص نماز پڑھنے کی طرف اشارہ ہے اور خواب میں دعا کرنا اپنے مقصد کو حاصل کرنے یا بیٹا نصیب ہونے کی بھی بشارت ہے۔

(۲) آہ وزاری اور چیخ کر دعا کرنا مصائب اور فتنوں میں مبتلا ہونے کی دلیل ہے۔

(۳) کبھی رو رو کر دعا کرنا قلتِ باران کی طرف اشارہ ہوتا ہے، دعا کی دلالت نماز پر بھی ہوتی ہے۔

(۴) چنانچہ دعا اگر معروف ہو تو اس کی دلالت فرض نماز پر ہوتی ہے اور ذکر اللہ سے خالی دعا ریا کی علامت ہے۔

(۵) خواب میں آہستہ دعا کرنا مبارک بیٹا نصیب ہونے کی خبر دیتا ہے۔

(۶) خواب میں کسی قوم کو اجتماعی حالت میں دعا کرتے ہوئے دیکھنا اجتماع اولاد اور ان میں زیادتی، نعمتوں میں برکت، عز وشرف، آپس کی رقابتوں کی دوری کی بشارت ہے۔

(۷) دعا سے اجتناب کرنا محرم بننے کی دلیل ہے جیسا کہ احرام باندھنا دعا سے اجتناب کی علامت ہے۔

(۸) کسی نے خواب دیکھا کہ وہ اللہ تعالی سے دعا کر رہا ہے یا اس کے لئے دعا مانگی جا رہی ہے تو ایسا شخص قابلِ رشک ہے اور کبھی خواب میں دعا کرنا ضرور ریا ت کے پوری ہونے کی علامت ہوتا ہے، کبھی دعا کرنا قبولیت کی بشارت ہے خصوصاً اگر دعا مسجد یا کسی اور مبارک مقام میں مانگی جائے۔

(۹) رات کے اندھیرے میں دعا مانگنے کی تعبیر غم سے نجات ملنے کی بشارت ہے۔

(۱۰) خواب میں کسی آدمی کو بلانا اس کے خوف سے ان سے انکساری کے ساتھ پیش آنے کی علامت ہے۔