Khwab me thookne spit krne ki tabeer
(۱) خواب میں تھوکنے کی تعبیر قوّت اور طاقت ہے۔
(۲) کسی نے دیکھا کہ گویا اس کے منہ میں تھوک خشک ہوا تو دلیل ہے کہ اپنے زمانے کے لوگوں کی طرح کام کرنے کے ارادے کے باوجود ان سے عاجز ہوگا اور اس سلسلے میں وہ بہت کم بات کر سکے گا۔
(۳) کسی نے دیکھا کہ اس کے منہ سے دودھ کا جھاگ مکھن نکلا تو دلیل ہے کہ وہ کلام باطل کہے گا یا جھوٹ میں مبتلا ہوگا۔ تھوک، مال اور قدرت پر دلالت کرتا ہے۔
(۴) کسی نے دیکھا کہ گویا اس نے کسی بھی دیوار پر تھوک دیا تو دلیل ہے کہ وہ جہاد میں مال خرچ کرے گا۔ یا اپنے مال کو تجارت میں لگائے گا۔
(۵) زمین پر تھو کنے کی تعبیر جائداد خریدنے سے کی جاتی ہے۔
(6) کبھی درخت پر تھوکنا، وعدہ خلافی، یا قسم ٹوٹنے کی دلیل ہے ۔
(۷) کسی انسان پر تھوکنا اس پر تہمت لگانے پر دلالت کرتا ہے۔
(۸) تھوک کا گرم ہونا لمبی عمر اور تھوک کا ٹھنڈا ہونا موت کی علامت ہے۔
(۹) منہ میں تھوک کے خشک ہونے کی تعبیر تنگ دستی سے بھی کی جاتی ہے۔
(۱۰) تھوک کی تعبیر کلام کی فضیلت، علم اور کبھی مال و دولت سے کی جاتی ہے۔
(11) بسا اوقات تھوک، نکاح کے ذریعے راحت حاصل کرنے پر دلالت کرتا ہے اور کبھی بیماری پر اور کبھی صحت پر دلالت کرتا ہے۔
(۱۲) خواب میں تھوک کے رنگ کا بدل جانا صاحبِ خواب کے بُرے مزاج کی طرف اشارہ ہے۔
(۱۳) تھوک کا بند ہونا راحت ولذت کے انقطاع اور فقدانِ اولاد کی علامت ہے اور تھوک کا زیادہ ہونا غم اور پریشانیوں کی دلیل ہے۔
(۱۴) کسی نے باہر تھوک دیا تو یہ دلیل ہے کہ اس کے منہ سے کوئی غلط بات نکلے گی۔
(۱۵) اگر دیکھا کہ اس کے لعاب کے ساتھ خون یا گاڑھا بلغم آرہا ہے، تو نا جائز کلام کرنے کی دلیل ہے، اس طرح کسی انسان کے چہرے پر تھوکنا بھی نا جائز کلام کی علامت ہے۔