خواب میں چراغ یا لالٹین دیکھنے کی تعبیر
khwab me charagh oil lamp dekhna
حضرت امام محمد بن سیرین رحمۃ اللہ علیہ کے مطابق
خواب میں چراغ دیکھنا
حضرت ابراہیم کرمانی رحمۃ اللہ علیہ نے فرمایا ہے کہ چراغ خواب میں گھر کا خادم ہے اور دوسرے اہلِ تعبیر نے فرمایا ہے کہ گھر کی مالکہ ہے۔ اگر خواب میں دیکھے کہ اس کے گھر میں پاکیزہ چراغ روشن ہے تو دلیل ہے کہ گھر کی مالکہ باصلاح اور نیک خصلت عورت ہے اور اگر دیکھے کہ چراغ بجھتا ہے تو دلیل ہے کہ گھر کی مالکہ یا عورت یا خادمہ کے رنج پر دلیل ہے اور اگر دیکھے کہ چراغ گل ہوگیا ہے تو دلیل ہے کہ گھر گرے گا اور گھر کی مالکہ مرے گی۔ حضرت جابر مغربی رحمۃ اللہ علیہ نے فرمایا ہے کہ اگر کوئی شخص دیکھے کہ چراغ دان میں چراغ روشن ہے تو دلیل ہے کہ اس کی شادی ہے کہ اگر شادی شدہ ہے تو لڑکا ہوگا، ورنہ عورت کرے گا یا کنیز خریدے گا اور اگر کوئی سفر میں گیا ہوا شخص کو واپس آنے میں دیکھے تو دلیل ہے کہ اس کا سفر کیا گیا شخص واپس آئے گا اور اگر شہر میں بہت سے چراغ دیکھے تو دلیل ہے کہ اس ملک کا بادشاہ عادل اور قاضی منصف ہے اور شہر کے لوگوں کو خوشی اور نشاط بہت ہوگی۔ حضرت اسماعیل اشعث رحمۃ اللہ علیہ نے فرمایا ہے کہ اگر کوئی شخص خواب میں دیکھے کہ اس کے ہاتھ میں بہت سے چراغ ہیں تو دلیل ہے کہ اس کے فرزند آئیں گے جو عزت و دولت پائیں گے اور اگر خواب دیکھنے والا بے اولاد کار ہے تو دلیل ہے کہ حق تعالیٰ کی طرف رجوع کرے گا اور توبہ کرے گا۔ اگر خواب دیکھنے والا مشرک ہے اور ہدایت پائے گا اور اگر مسلمان ہے تو عبادت کی توفیق پائے گا۔ فرمانِ حق تعالیٰ ہے: وسراجا منیرا وبشر المومنین بان لہم من اللہ فضلا کبیرا (اور چراغ روشن ہے اور ایمان والوں کو بشارت دو کہ ان پر اللہ تعالیٰ کا بڑا فضل ہے)۔ اور اگر دیکھے کہ چراغ گل ہوگیا ہے تو دلیل ہے کہ اس کا فرزند ہلاک ہوگا یا اس کی عزت و دولت میں نقصان ہوگا اور اگر دیکھے کہ اس کے سامنے چراغ روشن ہے تو دلیل ہے کہ دنیا اور دین کی مراد پائے گا اور اگر دیکھے کہ اس کے ہاتھ میں دو بتی والا چراغ روشن ہے تو دلیل ہے کہ اس کے دو فرزند ایک ساتھ پیدا ہوں گے۔ حضرت جعفر صادق رحمۃ اللہ علیہ نے فرمایا کہ چراغ کا خواب میں دیکھنا چودہ وجہ پر ہے: اول بادشاہ، دوم قاضی، سوم فرزند، چہارم عروسی، پنجم ولایت، ششم سرائے، ہفتم سردار، ہشتم شادی، نہم علم، دہم توانگری، یازدہم عیشِ خوش، دوازدہم کنیز، سیزدہم منفعت، چہاردہم جیسا دیکھا اسی طرح ہوگا۔
امام ابن سیرین
حضرت امام عبد الغنی نابلسی رحمۃ اللہ علیہ کے مطابق
(1) اس کو خواب میں اٹھانا، اٹھانے والے کے لئے مذکر عالم اولاد نصیب ہونے کی دلیل ہے اور مریض کے لئے چراغ دیکھنا مرض پر دلالت کرتا ہے پس اگر چراغ گل ہو گیا تو مریض مر جائے گا۔
(2) جس نے چراغ کو درست کیا اور اسے روشن کیا اور اس کے ہاں کوئی بیمار تھا تو وہ صحت کی طرف واپس آئے گا۔
(3) چھوٹا چراغ جس کی روشنی میں ضعف اور کمزوری ہو حاملہ عورت کے لئے بیٹی پر دلالت کرتا ہے اور کہا گیا کہ چراغ مخفی چیزوں کے ظہور پر دلالت کرتا ہے۔
(4) جس نے دیکھا کہ اس کے گھر کا چراغ روشن طاقتور اور صحیح ہے تو یہ گھر کے نگران کی صلاح پر دال ہے اور اگر اس نے اسے کمزور دیکھا تو یہ نگران کے ضعفِ حال کی علامت ہے۔
(5) جس نے دیکھا کہ اس نے اپنا چراغ گل کر دیا تو یہ گھر کے نگر ان کے برے حال اور اشتباہ اور شہرت کے ختم ہونے، کاموں کے مشکل ہونے اور بعض دفعہ اس کی موت یا اس کے والد یا والدین کی موت یا نگران کی موت پر دال ہوتا ہے اور بعض دفعہ یہ اس کی بیوی کی موت پر دال ہوتا ہے۔
(6) جس نے دیکھا کہ اس کے ہاتھ میں چراغ ہے جس کے بجھنے کا اسے خوف ہے تو یہ بیمار کی موت پر دلیل ہے۔
(7) اگر بیمار نے دیکھا کہ وہ چراغ لے کر آسمان پر چڑھا اور یہ زمین پر لوٹ آیا تو اس کی روح آسمان کی طرف چلی جائے گی یعنی مر جائے گا۔
(8) جس نے دیکھا کہ وہ چراغ سے استفادہ کر رہا ہے تو وہ علم اور بلندی پائے گا ۔
(9) جس نے دیکھا کہ وہ چراغ کو منہ کی پھونکوں سے بجھا رہا ہے تو وہ کسی ایسے آدمی کے کام کو ختم کرنے کی کوشش کر رہا ہو گا جو حق پر ہو گا لیکن اس کا کام ختم نہیں ہو گا۔
(1) جس نے دیکھا کہ وہ دن میں چراغ لے کر چل رہا ہے تو وہ دین کے لئے بڑا سخت اور سیدھے راستے پر چلنے والا ہو گا۔
(11) اگر اس نے دیکھا کہ وہ رات کو چراغ لے کر چل رہا ہے تو اگر تہجد کا اہل ہے تو تہجد پڑھے گا وگرنہ وہ کسی ایسے کام کی طرف بڑھے گا جس میں اسے دلچسپی ہو گی اور بعض دفعہ وہ کسی گناہ میں ہو گا اور اس سے توبہ کرے گا۔
(12) اگر اس نے کوئی چراغ دیکھا جو کہ اس کی انگلیوں میں سے یا اس کے اعضاء میں نکل رہا ہے تو اس پر کوئی مبہم کام کسی واضح دلیل کے ساتھ واضح ہو گا۔
(13) جس کے ہاتھ میں بجھا ہوا چراغ، موم بتی یا آگ ہو تو اگر وہ سلطان ہو تو معزول ہو گا اور اگر تاجر ہو تو خسارہ اٹھائے گا اور اگر نیک پرہیز گار ہو تو اس کا مال جائے گا اور چراغ اگر بغیر روشنی کے جلے تو یہ علم پر دلالت کرتا ہے۔
خواب میں لالٹین یا چراغ دیکھنا
khwab me laltain ya chiragh dekhna
(1) یہ اگر ٹونٹی والی ہو تو اس کی تعبیر بیٹا یا عورت کے لئے شوہر ہے اور اگر بند منہ والی ہو تو اس کی تعبیر بے اولاد میاں بیوی ہے، قندیل کی تعبیر علم، عاصی کے لئے توبہ، کافر کے لئے ہدایت، خوابوں کی تعبیر بیان کرنے والا اور قافلہ کا رہنما ہے۔
(2) ضرورت کے موقع پر قندیل جلانے کی تعبیر ایسا بیٹا ہے جو شہرت ورفعت کے ساتھ منفعت کا بھی حامل ہو، مساجد کی قندیلوں کی تعبیر مالی لحاظ سے مستحکم علماء، نیک وصالح لوگ اور قاری حضرات ہیں۔
(3) کسی مسجد کی قندیل کا بجھ جانا اس مسجد سے متعلق اور عالم کے مرنے کی دلیل ہے اور قندیل کی تعبیر عورت، اس کی بتی کی تعبیر اولاد ہے اور قندیلوں کی تعبیر ستارے بھی ہیں۔
(4) قندیل کا گل ہونا یا ٹوٹ جانا مریض کے مرجانے کی دلیل ہے۔
(5) خواب میں آسمان سے ستارہ پکڑنا مسجد سے قندیل اٹھانے کی علامت ہے۔
امام عبد الغنی نابلسی
یاد رکھیں کہ یہ روایتی تعبیرات ہیں، حتمی پیشگوئی نہیں؛ اچھا خواب اللہ کی طرف سے بشارت ہے اور اصل علم اللہ کے پاس ہے۔