Khwab me Hakim ya Sardar ko Dekhne ki Tabeer
خواب میں ذمہ دار شخص (حاکم یا سردار) کو دیکھنا حکم کرنے والے اور دوسروں کی ضرورت پوری کرنے والے پر دلالت کرتا ہے۔
(۱) خواب میں ذمہ دار شخص (امیر) کو دیکھنا بے زوجہ کا صاحب زوجہ ہونے کی طرف اشارہ ہے کیونکہ خاوند اپنے گھر میں امیر (سردار) کی طرح ہوتا ہے ۔
(۲) بسا اوقات، امیر (ذمہ دار) ہونا اپنے مقصد کا دوسروں کے ذریعے حاصل کرنے پر دلالت کرتا ہے۔
(۳) اگر کوئی شخص خواب میں اپنے آپ کو امیر (ذمہ دار) بنتا ہوا دیکھے تو اس کی تعبیر یہ ہے کہ صاحب خواب کے مقید ہونے یا دھوکے میں آجانے سے کی جاتی ہے اس لیے کہ امیر روز قیامت اس حال میں حاضر ہو گا کہ اس کے ہاتھ گردن کے ساتھ باندھ دیے جائیں گے اس کو اس سے کوئی آزاد نہیں کرا سکے گا سوائے اس عدل کے جو اس نے قائم کیا ہو ۔
(۴) اگر کسی نے دیکھا کہ بادشاہ وقت نے اس کو کسی دور سرحدی علاقے کا ذمہ دار اور اپنا نائب گورنر مقرر کیا تو یہ عزت و شرف، شہرت اور بلند مرتبہ نصیب ہونے کی علامت ہے جو بادشاہ اور اس علاقہ کے بعد کے بقدر ہوں گے ۔
(۵) اگر حاکم اپنے کسی کا رندے کو آتے ہوئے دیکھ لے تو یہ اس کی عزت و شرف کی علامت ہے ۔
(۲) اسی طرح خواب میں حاکم کا اپنے امور مملکت میں تدبیر دغور کرنا عزت و شرف کی دلیل ہے ۔
(۷) اگر کوئی حاکم اپنے جیسے حاکم کو دیکھے تو تعبیر یہ ہے اس کا لڑکا پیدا ہوگا ۔
(۸) کسی امیر کا خواب میں اپنی بیوی کو طلاق دینا اس کی معزولی کی علامت ہے۔
(۹) خواب میں کسی امیر یا رئیس کے پاس کھانا لے جانا غم پہنچنے کے بعد خوشی کی دلیل ہے اور اس کو مال ایسی جگہ سے ملے گا جس کی امید نہ ہو۔
(۱۰) خواب میں امیر (ذمہ دار) ، بادشاہ یا گورنر کا اپنی ٹوپی اتارنا سلطنت کی کمزوری کی دلیل ہے۔ اور خواب میں ان ہی حضرات کا ٹوپی پہننا سیاسی اسباب کی وجہ سے حکومت کے قائم اور وسیع ہونے کی دلیل ہے۔
(۱۱) اور افراد مذکورہ کا نیا جوتا پہننے کی تعبیر مشرکین اور اہل ذمہ سے مال حاصل کرنے سے کی جاتی ہے۔
(۱۲) کسی والی کا معزول ہونا ولایت کی علامت ہے ۔
(۱۳) کسی غلام کا خواب میں امیر (ذمہ دار، سردار، حاکم) بن جانا اس کی آزادی کی دلیل ہے۔