Khwab me zabah krne ki tabeer
خواب میں اس کی دلالت ظالم اور نافرمان پر ہوتی ہے۔
(۱) کسی نے خواب دیکھا کہ اس کو ذبح کر دیا گیا ہے تو اس کو چاہیے کہ اعوذ باللہ کہے یعنی اللہ سے کسی پناہ کی دعا مانگے۔
(۲) خواب میں کسی قوم کو مذبوح حالت میں دیکھنا صاحبِ خواب کے لئے ان امور کے متعلق خیر کی دلیل ہے جن کو وہ انجام دینا چاہتا ہے۔
(۳) خواب میں دوسرے کو ذبح کرتے ہوئے دیکھنا یا دوسروں کے ہاتھ خود کو ذبح ہوتے دیکھنا بھی کاموں کے جلدی پایہ تکمیل تک پہنچے کی دلیل ہے۔
(۴) خواب میں کسی دوسرے کو دیکھا کہ اس کو کوئی شخص ذبح کر رہا ہے تو تعبیر ہے کہ مذبوح کو ذابح کے ہاتھوں خیر پہنچے گی۔
(۵) اگر مذبوح قید میں ہو تو اس کو قید سے آزادی مل جائے گی۔
(۲) اگر کسی سے خائف ہوتو امن نصیب ہو گا۔
(۷) اگرکسی کا غلام ہے تو آزادی کی دولت میسر ہو گی اور اگر کسی علاقے کا ذمہ دار ہے تو اس کی امارت میں زیادتی ہو گی۔
(۸) خواب دیکھا کہ وہ کسی شخص کو ذبح کر رہا ہے تو تعبیر ہے کہ وہ مذبوح پر ظلم کرے گا، اسی طرح ہر اس چیز کو ذبح کرنا جس کو ذبح کرنا ناجائز ہے اس پر ظلم وتعدی کرنے کی علامت ہے۔
(۹) خواب میں اپنے بعض محارم کو ذبح کرنا ان سے قطع تعلق کرنے اور ان سے بے رغبتی کی خبر دیتا ہے۔
(۱۰) خواب میں کسی غلام کو ذبح کرنا اس کی آزادی کی بشارت ہے۔
(۱۱) مغموم شخص کے لئے غم سے نجات کی خوشخبری ہے۔
(۱۲) خواب میں ان جانوروں اور پرندوں کو ذبح کرنا جو عورت پر دلالت کرتے ہیں نکاح کی علامت ہے مثلاً کبوتر اور مینا وغیرہ۔
(۱۳) گدی کی طرف سے ذبح کرنا لواطت کرنے کی طرف اشارہ ہے۔
(۱۴) خواب میں کسی کو مذبوح حالت میں دیکھا اور یہ نہیں سمجھ پایا کہ اس کو کس نے ذبح کیا ہے تو یہ اس کے بدعت میں مبتلا ہونے یا جھوٹی شہادت گلے پڑنے یا حکومت وقضا ذمہ میں لازم ہونے کی علامت ہے۔
(۱۵) خواب میں اپنے ماں وباپ کو ذبح کرنا ان کی نافرمانی کرنے اور ان کے ساتھ ظلم کرنے کی دلیل ہے۔
(۱۶) خواب میں کسی عورت کو ذبح کرنا اس کے ساتھ جماع کرنے کی طرف اشارہ ہے۔
(۱۷) اسی طرح حیوانات میں کسی مؤنث کو ذبح کرنا عورت سے جماع کرنے کی اور کسی کنواری کے پردہ بکارت کو پھاڑنے کی دلیل ہے۔
(۱۸) خواب دیکھا کہ اس نے کسی چھوٹے بچے کو ذبح کیا ہے تو یہ اس کے والد کے ساتھ ظلم کرنے کی دلیل ہے۔
(۱۹) اگر بچہ اتنا بڑا ہے کہ اس کے ساتھ ظلم کیا جاسکتا ہے تو یہ خود اس کے ساتھ ظلم کرنے اور اس کی طرف بری بات منسوب کرنے کی دلیل ہے۔
(۲۰) اگر کسی بچے کو ذبح کر کے اسے آگ میں رکھ دیا اور وہ آگ میں رکھنے سے صحیح نہیں پکا تو یہ اس بات کے جھوٹی ہونے اور پکنے کی صورت میں اس بات کے صحیح منسوب ہونے کی علامت ہے۔
(۲۱) اگر بچہ اس قابل نہیں ہے کہ اس کی طرف کوئی بری بات منسوب کی جائے تو یہ اس کے والدین کی طرف بری بات منسوب کرنے کی علامت ہے۔
(۲۲) اگر اس کا گوشت پکا نہیں ہے تو یہ منسوب بری بات جھوٹی ہو گی۔
(۲۳) اگر گوشت پک جائے تو اس کے صحیح ہونے کی علامت ہے۔
(۲۴) خواب میں کسی بچے کو ذبح شدہ حالت میں پانا اس کے دانت نکلنے کی عمر کو پہنچنے کی طرف اشارہ ہے۔
(۲۵) دیکھا کہ اس کے اہل وعیال مذبوح کے گوشت سے کھا رہے ہیں تو اس کے اہل وعیال کو مذبوح سے خیر وفضل ملے گا۔
(۲۶) خواب دیکھا کہ بادشاہ نے کسی کو ذبح کر کے اس کی لاش کو صاحبِ خواب کی گردن پر رکھا ہے تو تعبیر ہے کہ بادشاہ اس انسان پر ظلم کرے گا اور اس سے ایسی چیز کا مطالبہ کرے گا جو وہ ادا نہ کر پائے گا۔
(۲۷) اگر وہ مذبوح متعین شخص ہے تو بعینہ اس کے ساتھ بادشاہ کا یہ معاملہ ہوگا۔
(۲۸) اگر مذبوح جان پہچان والا نہیں مگر بوڑھا ہے تو تعبیر ہے کہ بادشاہ اس کو اس کے کسی ایسے دوست کی وجہ سے پکڑ لے گا جو اس کے ساتھ ہر وقت رہتا ہے اور تاوان بقدرِ مذبوح کے بوجھ کے اس سے وصول کرے گا۔
(۲۹) اگر مذبوح جو گردن پر رکھا گیا ہے جوان ہے تو وہ اپنے کسی دشمن کی وجہ سے پکڑا جائے گا اور تاوان دے گا۔
(۳۰) اگر مذبوح کا سر بھی اس کے ساتھ ہے تو تعبیر ہے کہ وہ پکڑا تو جائے گا لیکن تاوان اس سے وصول نہیں کیا جائے گا اور اس کا تاوان اس کے ساتھی کا سر ہو گا لیکن اس کی وجہ سے اس کو تکلیف اور غم پہنچے گا۔
(۳۱) بعض دفع کسی فرد یا کسی قوم کا مذبوح حالت میں دیکھا جانا ان لوگوں کے گمراہی میں مبتلا ہونے کی علامت سمجھی جاتی ہے۔
(۳۲) خواب میں خود کو ذبح کرتے ہوئے دیکھنا بیوی کے حرام ہونے کی علامت ہے۔
(۳۳) ذبح کرتے وقت خون نکلنا ظلم، تعدی اور نافرمانی کی دلیل ہے۔
(۳۴) اور خون نہ نکلنا صلہ رحمی اور شرافت کی دلیل ہے۔
(۳۵) کسی عورت نے خواب دیکھا کہ بادشاہ اس کو ذبح کر رہا ہے تو یہ کسی مرد کے ساتھ نکاح کرنے کی علامت ہے۔