خواب میں باجا بجانے کی تعبیر

Khwab me baja horn bajane ki tabeer

(۱) خواب میں بربط بجانے والا اگر دیندار وپرہیز گار ہے تو یہ اس کی اچھی شہرت کی نشانی ہے اور اگر دینی لحاظ سے کمزور ہے یہ بری شہرت کی علامت ہے۔

(۲) کبھی بربط بجانا بجانے والے کے دنیا میں انہماک کی وجہ سے غفلت اور جھوٹے کلام اور جھوٹ بولنے اور سننے پر دلالت کرتا ہے۔

(۳) با جابجنے کی آواز سننا بادشاہ کے لیے بادشاہت کے ختم ہونے اور شریف آدمی کے لیے عزت کے اس طرح نکلنے کا اشارہ ہے جس کا تذکرہ سن کر اس کا کلیجہ منہ کو آئے اور یہی خواب مستور آدمی کے لیے زجر ونصیحت ہے اور فاسق کے لیے اس کی تعبیر یہ ہے کہ وہ قوم میں ایسا فساد بر پا کرے گا جس کی وجہ سے قوم والوں کے کلیجہ پر برا اثر ہو گا اور اگر یہی خواب ظالم دیکھ لے تو یہ قوم پر ایسا ظلم کرنے کی طرف اشارہ ہے جس کی بنا پر ان کی انتڑیاں پھٹ پڑیں گی۔

(۴) کسی نے دیکھا کہ وہ اپنے گھر میں باجا بجا رہا ہے تو یہ مصیبت کی علامت ہے اور دلیل ہے بجانے والا شخص غلطی میں مبتلا قوم کا سردار ہے۔

(۵) بانسری کا رقص کے علاوہ دوسرے آلاتِ لہو ولعب مثلا سارنگی، طبلہ جنگ

( ایک قسم کا باجا ) بادشاہ کے دروازے پر بجاتے خود اپنے کو دیکھنا ولایت کے اہل کے لیے ولایت کی علامت ہے۔ اگر اس کا اہل نہیں ہے تو قبیح کلام سننے کی دلیل ہے۔

(۶) کسی نے دیکھا کہ وہ باجہ یا وتر بجا رہا ہے تو یہ ایک قسم کے غم کی طرف اشارہ ہے۔

(۷) کبھی باجہ خواہشِ نفسانی اور اس کی لغویات پر بھی دلالت کرتا ہے۔

(۸) کسی نے دیکھا کہ باجہ کے ساتھ بانسری، طبلہ یا اور کوئی کھیل جو رقص کی طرح ہو کھیل رہا ہے تو یہ علامت ہے کہ اس کے مکان میں رہنے والوں پر مصیبت آئے گی اس لیے کہ مزا میر و باجہ مصیبت کی علامت ہیں۔