khwab me talwaar sword dekhna
(۱) خواب میں تلوار دیکھنا بیٹے اور سلطان پر اور اس کے بگل اور اس کا پھل بیٹے پر دلالت کرتا ہے۔
(۲) جس نے دیکھا کہ اس نے تلوار گلے میں لٹکائی ہے تو وہ بہت بڑی سلطنت پائے گا۔
(۳) اگر اس نے دیکھا کہ تلوار اس پر بھاری ہو گئی اور وہ اس کو زمین پر کھینچنے لگا تو وہ اپنی ولایت سے عاجز آئے گا اور اس سے نفع اٹھائے گا۔
(۴) اگر اس نے دیکھا کہ اس کی حمائل کٹ گئی ہے تو وہ اپنی ولایت سے معزول ہو گا اور وہ حمائل جس میں خوبصورتی ہو ولایت پر دلالت کرتی ہے۔
(۵) جس نے دیکھا کہ اس نے اپنی بیوی کو چاقو پکڑایا یا اس کی بیوی نے اسے چاقو پکڑایا تو یہ مذکر اولاد پر دلالت کرتی ہے۔
(۶) اگر اس نے دیکھا کہ اس نے اس کو نیام میں پڑی ہوئی تلوار دی تو وہ لڑکی پائے گا۔
(۷) اگر اس عورت نے اس کو یہ سپرد کیا تو یہ اس سے لڑکا پائے گا۔
(۸) اگر اس نے دیکھا کہ اس نے چار تلواریں نیام میں ڈالی ہوئی ہیں ایک تلوار لو ہے کی اور ایک سونے کی اور ایک سیسہ کی اور ایک لکڑی کی تو اس کے چار بیٹے ہوں گے پس لوہا دلالت کرتا ہے بہادر بیٹے پر اور سونا دلالت کرتا ہے مالدار بیٹے پر اور سیسہ دلالت کرتا ہے خنثی لڑکے پر اور لکڑی دلالت کرتی ہے منافق بیٹے پر۔
(۹) اگر اس نے خواب میں تلوار کو نیام سے نکالا اور وہ زنگ آلود تھی تو اگر اس کی بیوی نے بیٹا جنا تو وہ بدصورت ہو گا اور اگر وہ نیام کے درمیان ہی ٹوٹ گئی تو اس کا بیٹا ماں کے پیٹ ہی میں مر جائے گا۔
(۱۰) اگر اس نے دیکھا کہ اس نے تلوار میان سے نکالی اور اس کی بیوی بھی حاملہ نہیں تھی تو اس سے مراد کوئی بات ہے جو اس نے کسی کے لئے تیار کی ہے پس اگر وہ تلوار کاٹنے والی چمکدار اور صاف ہو تو اس کی کلام میں شیرینی ہو گی اور وہ حق پر ہو گا۔
(۱۱) اگر وہ زنگ آلود ہو تو اس کی زبان میں مٹھاس نہیں ہو گی اور وہ باطل پر ہو گا۔
(۱۲) اگر وہ تلوار بھاری ہو تو وہ کوئی ایسی بات کرے گا کہ جس کی اس کو طاقت نہ ہو گی۔
(۱۳) اگر وہ کند ہوئی تو وہ اس بات سے عاجز آئے گا جسے وہ چاہتا ہے۔
(۱۴) اگر اس نے دیکھا کہ اس کے ہاتھ میں سونتی ہوئی تلوار ہے اور وہ کسی جھگڑے میں مبتلا ہو تو حق اس کے ساتھ ہو گا۔
(۱۵) اگر اس نے دیکھا کہ اس نے پڑی ہوئی تلوار اٹھا لی ہے تو وہ کسی حق کا مطالبہ کرے گا جس کو پائے گا۔
(۱۶) اگر اس کو تلوار دی گئی تو اس سے مراد بیوی ہے اس لئے کہ حضرت لقمان علیہ السلام کا قول ہے
(المرة كالسيف الاترى ما احسن منظره واقبح اثره ) کہ عورت تلوار کی طرح ہے کیا تو نہیں دیکھتا کہ وہ دیکھنے میں کتنی اچھی ہے اور اس کا اثر کتنا برا ہے۔
(۱۷) جس نے دیکھا کہ وہ دو یا تین تلواریں گلے میں ڈالے ہوئے ہے اور وہ ٹوٹ گئیں یا گر گئیں تو وہ اپنی بیوی کو تین طلاقیں دے گا۔
(۱۸) جس نے دیکھا کہ اس نے تلوار سونتی ہوئی ہے تو وہ لوگوں سے گواہی مانگے گا اور کوئی بھی گواہی نہ دے گا۔
(۱۹) اگر اس نے دیکھا کہ وہ مسلمانوں کے شہر میں دائیں بائیں تلوار مار رہا ہےتو وہ اپنی زبان ان معاملات میں کھولے گا جو اس کے لئے درست نہیں ہیں۔
(۲۰) اگر اس نے دیکھا کہ تلوار ایک طرف پڑی ہوئی ہے تو یہ کسی طاقتور آدمی پر دلالت کرتی ہے۔
(۲۱) جس نے دیکھا کہ اس کی تلوار کا درمیانی حصہ ٹوٹ گیا تو یہ اس کی بیوی کی موت کی علامت ہے۔
(۲۲) جس نے دیکھا کہ اس نے حمائل بغیر تلوار کے لٹکایا ہوا ہے تو اس کے حوالے کوئی امانت کی جائے گی۔
(۲۳) جس نے دیکھا کہ تلوار کا دستہ ٹوٹ گیا تو یہ اس کے باپ یا چچا کی موت کی علامت ہے اور کہا گیا کہ یہ اس کی خالہ یا ماں کی موت کی علامت ہے۔
(۲۴) جس نے دیکھا کہ اس کی تلوار کا پھل ٹوٹ گیا تو یہ خادم یا تابع پر دال ہے۔
(۲۵) تلوار سے کھیلنا اگر وہ ولایت کے ساتھ منسوب ہو تو یہ اس کی مہارت پر دلالت کرتا ہے اور اگر وہ کلام اور باتوں کی طرف منسوب ہو تو یہ اس کی فصاحت پر دلالت کرتا ہے اور اگر وہ لڑکے کی طرف منسوب ہو تو اس پر فخر کرنے پر دلالت کرتا ہے اور اگر اس نے ہوا کے ساتھ تلواروں کو دیکھا تو یہ طاعون کی بیماری پر دلالت کرتا ہے اور کہا گیا کہ تلوار دیکھنے والے کے غصہ پر دلالت کرتا ہے اور کام کی سختی پر دلالت کرتا ہے۔
(۲۶) جس نے دیکھا کہ اس نے تلوار کو نگل لیا تو وہ دشمن کا مال کھائے گا۔
(۲۷) جس نے دیکھا کہ تلوار نے اس کو نگل لیا تو اس کو سانپ کاٹے گا اور تلوار فتنہ پر بھی دلالت کرتی ہے اور اس کامیان بیوی پر دلالت کرتا ہے۔
( ۲۸) اگر اس نے غلاف کو توڑ دیا اور تلوار سلامت رہی تو اس کی حاملہ بیوی مر جائے گی اور اس کا بیٹا سلامت رہے گا۔
(۲۹) اگر تلوار ٹوٹ گئی اور غلاف سلامت رہا تو بیوی سلامت رہے گی اور بچہ مر جائے گا اور اگر دونوں ٹوٹ گئے تو دونوں مر جائیں گے اور ہر وہ چیز جس کا تلوار اور غلاف کی طرح ساتھ ہو تو وہ آدمی اور اس کی بیوی پر دلالت کرتا ہے جیسا کہ تلوار اور میان اور چھری اور اس کا غلاف اور ڈورہ اور اس میں ڈالنے والی چیز۔
(۳۰) جس نے دیکھا کہ اس نے کسی شخص کو تلوار سے مارا تو اپنی زبان کے ذریعہ اس پر غالب آئے گا اور تلوار کا کند ہونا کلام میں عاجزی پر دلیل ہے۔
(۳۱) جس نے دیکھا کہ اس نے تلوار کو نیام میں کر لیا اور وہ کنوارا تھا تو وہ شادی کرے گا۔
(۳۲) جس نے دیکھا کہ اس کے ہاتھ میں شیشے کی تلوار ہے تو اگر اس کی بیوی حاملہ ہے تو اس کا ایسا بیٹا ہو گا جو زندہ نہیں رہے گا۔
(۳۳) جس نے دیکھا کہ اس کے ہاتھ میں تلوار دشمن کی تلوار سے لمبی ہے تو وہ دشمن پر غالب آئے گا۔
(۳۴) جس کی تلوار کاٹنے سے عاجز آ گئی تو اس کا قول معتبر نہ ہو گا۔
(۳۵) جس نے دیکھا کہ کسی آدمی نے اس پر تلوار نکالی تو اگر وہ کوئی معروف آدمی ہو تو اس نے اس کے لئے کوئی بات تیار کی ہو گی۔
(۳۶) اگر اس نے اس کو مارا اور اس کا خون نہ نکلا تو جو مارنے والا کہے گا وہ سچ ہے۔
(۳۷) اگر اس نے مارا اور اس تلوار نے نہ کاٹا تو مضروب ضارب پر غالب آئے گا۔
(۳۸) اگر اس نے کاٹا تو ضارب مضروب پر غالب آئے گا۔
(۳۹) اگر اس نے مارا اور اس نے کا ٹا نہیں لیکن اس سے خون نکل آیا تو ضارب اپنی زبان کے ذریعے مضروب پر مسلط اور غالب آ جائے گا۔
(۴۰) جس نے دیکھا کہ اس کی تلوار کوئی بڑی عظیم شے ہے جو دنیا کی تلواروں سے مشابہ نہیں ہے تو یہ فتنے کی تلوار ہے پس اگر اس کو ہوا میں رکھا گیا یا آسمان پر ڈال دیا گیا یا سمندر میں پھینکا گیا تو تعبیر ہے کہ وہ فتنہ دب جائے گا۔
(۴۱) جس نے دیکھا کہ اس کے ہاتھ میں تلوار ہے جس کو اس نے سونتا ہوا ہے اور اس سے کسی کو مارنے کا ارادہ نہیں ہے تو وہ بادشاہت یا اولا دیا بھائی پائے گا۔
(۴۲) اگر اس نے نیت کی کہ اس کے ساتھ کسی کو مارے گا تو وہ کوئی کلام تیار کرے گا جس کے ذریعہ وہ کسی انسان پر حملہ کرے گا۔
(۴۳) اگر اس نے کسی کو تلوار مار دی تو اس کی زبان اتنی ہی کھل جائے گی جس قدر اس نے مارا۔
(۴۴) اگر اس نے دیکھا کہ اس نے کسی انسان کو مارا پس اس کے مارنے سے اس کا ہاتھ یا اس کی ران یا اس کا پاؤں کٹ گیا یا وہ زخمی ہو گیا تو وہ کسی ایسے کلام پر دلالت کرتا ہے جس کے ذریعہ وہ مغرب سے قطع تعلق کرےگا، اس کے ذریعہ وہ باپ یا بھائی سے یا کسی اورسے قطع تعلق کرے گا جس کی طرف وہ زخم منسوب ہو۔
(۴۵) اگر اس نے اس سے کسی کی گردن کاٹی اور اس کا سر واضح ہو گیا تو مضروب ضارب سے کوئی خیر یا خوشی پائے گا۔
(۴۶) جس نے دیکھا کہ کسی نے اس کو تلوار سے مارا اور اس کے اعضاء کٹ گئے تو مضروب کوئی سفر کرے گا۔
(۴۷) اگر اس نے اعضاء کو جدا جدا کر دیا تو مضروب کی نسل بہت بڑھ جائے گی اور بہت سے شہروں میں پھیل جائے گی۔
(۴۸) جس نے دیکھا کہ کسی آدمی نے بغیر جھگڑے اس کے پیٹ میں تلوار گھونپ دی تو مارنے والا اور مارا جانے والا کسی قوم میں رشتہ ازدواج میں مشترک ہو ں گے یا جو اس کے مشابہ ہوا اور تلوار رزق پر بھی دلالت کرتی ہے اور بعض دفعہ بادشاہت اور علم پر دلالت کرتی ہے اور اگر غریب ہو، بیوی یا بیٹے میں سے تو وہ صحیح النسب ہو گا وگر نہ وہ کوئی مال ہو گا جس میں شبہ ہو گا یا بیوی یا بیٹے پر جو گھٹیا نسب والا ہو گا اور تلوار کسی مجنونہ عورت پر بھی دلالت کرتی ہے کہ جس سے دخول اور خروج کے وقت بچنا چاہئے اور کپڑے کی تلوار ایسی خوبصورتی پر دلالت کرتی ہے جس کی وہ طاقت نہیں رکھتا۔