Khwab me shaitaan satan ko dekhne ki tabeer
(1) خواب میں شیطان کو دیکھنا غلطی اور بھولنے کی علامت ہے۔
(1) حکایت: ایک شخص نے حضرت حسن رضی اللہ عنہ سے کہا: اے ابو سعید! ابلیس سوتا بھی ہے؟ تو حضرت حسن رضی اللہ عنہ نے ہنس کر فرمایا: اگر وہ سو جاتا تو ہمیں سکون نصیب ہو جاتا ۔
(۲) خواب میں شیطان کو دیکھنا مندرجہ ذیل امور پر دلالت کرتی ہے: بُرا گمان رکھنے والا عالم، نماز چھوڑ نا، جھوٹ، چوری، گناہ کا کام کرنا، لمبی عمر، مکر، سازش کرنا، جادو، حسد، زوجین میں جدائی وغیرہ ۔
(۳) کبھی رویت شیطان ارتدار (مرتد ہونے) پر دلالت کرتی ہے اس لئے کہ وہ بڑا عابد تھا لیکن اپنی نافرمانی کی وجہ سے مردود اور اللہ کی رحمت سے دور ہوا ۔
(۴) اور کبھی اس کی تعبیر ایسے کافر بادشاہ سے بھی کی جاتی ہے جو دریا کے پاس رہتے ہوئے سوار اور پیدل فوج کی تیاری میں لگا ہوا ہو اللہ تعالیٰ کا فرمان ہے : وَأَجْلِبْ عَلَيْهِم بِخَيْلِكَ وَرَجِلِكَ (ترجمہ: اور حملہ کر ان پر اپنے گھوڑوں اور پیادوں کے ساتھ ۔)
(۵) کسی نے دیکھا گویا وہ ابلیس ہوا تو اس کی تعبیر یہ ہے کہ اس کی آنکھ کو کچھ ہو گا، یا اس کی تعبیر دین سے مرتد ہونے سے کی جائے گی، یا لمبی زندگی گزار نے، غمگین ہونے، اولاد اور مال کی صورت میں رزق ملنے، اور اپنی سازش و دھوکے کے ذریعہ دشمنوں پر غلبہ سے تعبیر کی جائے گی۔ اور اگر صاحب خواب بادشاہت کی اہلیت رکھتا ہو تو بادشاہ بنے گا اور امر بالمعروف و نہی عن المعروف کرتا رہے گا ۔
(۶) کسی نے دیکھا کہ گویا کہ اس نے ابلیس کو قتل کیا۔ تو تعبیر یہ ہے کہ وہ کسی سازشی اور فراڈی قسم کے شخص کے ساتھ مکر کرے گا۔ اور اگر صاحب خواب عفیف اور نیک ہو تو تعبیر یہ ہے کہ وہ اللہ تعالی کے احکام کی پیروی کرنے والا ہو گا۔