Khwab me phanda dekhne ki tabeer
(۱) خواب دیکھا کہ اس کو پھندا ڈالا گیا تو دلیل ہے کہ کسی امانت کے ذمہ اٹھانے کی بنا پر مقہور ہو گا اور اگر کسی اور سب سے ایسا ہوتو دلیل ہے کہ اس کو ظلم کی بنا پر سزا ملے گی اور اس کا شدت اختیار کرنا اس امانت یا ولایت سے فائدے حاصل کرنے کی اجرت کا اس سے مطالبہ کیا جائے گا اور اگر اس پھندے سے مر گیا تو یہ اس کے مغلوب ہونے اور محتاج ہونے کی علامت ہے اور پھندے سے مرنے کے بعد دوبارہ زندہ ہونا اس کے فقیر ہونے اور اس کے بدلے اللہ تعالیٰ کے طرف سے بدلہ وعوض ملنے اور مستغنی ہونے اور اپنے اوپر ظلم کرنے والے پر غلبہ پانے کی علامت ہے۔
(۲) خواب میں اپنے آپ کو پھندے میں معلق کر ناغم وحزن میں مبتلا ہونے کی طرف اشارہ ہے۔
(۳) کبھی یہ خواب اس بات کی دلیل ہے کہ جس مکان میں پھندا ڈالا ہے اس میں اقامت اختیار نہیں کرے گا اور نہ ہی اپنے گھر میں اقامت پذیر ہوگا ۔
(۴) خواب میں دار الخناق یعنی دمے کی بیماری میں مبتلا ہونا گھر یا دکان کی وجہ سے راحت کے ختم ہونے کی دلیل ہے۔
(۵) کبھی اس کی دلالت مطالبہ قرض اور معاملہ کے تنگ ہونے پر بھی ہے۔