خواب میں کھیتی دیکھنا

Khwab me khaiti farming dekhne ki tabeer

اس کی دلالت نکاح پر ہوتی ہے۔

(1) خواب میں کسی جاننے والے شخص کی زمین میں کاشت کرنا اس کی بیوی سے نکاح کرنے کی طرف اشارہ ہے۔

خواب میں کھیتی باڑی کرنے والے شخص کو دیکھنا افضل ترین عمل کرنے والے شخص کی طرف اشارہ ہے۔ اگر اس کی کھیتی اُگ کر سر سبز ہے اور کاٹی گئی تو اگر اس کی تعبیر عمل ہو تو زمینداری کرنا گناہوں سے تو بہ کرنے کی بشارت ہے اور اس کی تعبیر دنیا ہو تو اچھی اور خوشحالی کی دلیل ہے۔

(1) جس نے خواب میں دیکھا کہ اس نے کھیتی بوئی تو یہ اس کی بیوی کے حاملہ ہونے کی علامت ہے۔

(2) اگر کسی نے دیکھا وہ کسی اور کی کھیتی میں ہل چلا رہا ہے تو یہ اس کے اور اس کھیت والے میں لڑائی ہو گی۔

(3) کھیتی کا جلنا بھوک اور قحط کی علامت ہے۔

(4) اگر کسی نے دیکھا کہ وہ سرسبز وشاداب کھیتی میں کوشش کر رہا ہے تو وہ نیک اور بھلائی کے کاموں میں کوشش کرتا ہو گا قطع نظر اس کے کہ وہ کام قبول بھی ہوتے ہوں یا نہیں۔

(5) اگر کسی نے دیکھا کہ اس نے زمین میں کوئی چیز بوئی تو یہ شادی شدہ کے لیے اولاد اور کنوارے کے لیے نکاح کرنے کی خبر ہے اور اناج والے کے لیے آمدنی ہے، بادشاہ کے لیے مملکت میں کوشش ہے۔

(6) اگر کسی یہودی نے دیکھا کہ اس نے کسی کھیتی میں بیج بوئے ہیں تو وقتل اور سنگسار کیا جائے گا۔

(7) سبز کھیت لمبی عمر اور سوکھا کھیت موت کے قریب ہونے کی علامت ہے۔

(8) گندم کا بونا نیکی کا لینا دینا یا دُوگئے اجر کا صدقہ کرنے کی علامت ہے۔

(9) گندم کی بالی شدت پر دلالت کرتی ہے، کبھی اس سے مراد ثواب کا دوگنا ہونا بھی ہوتا ہے اور جو اچھائی کی علامت ہے، کبھی کاشت پر دلالت کرتی ہے۔

(1) اگر کسی نے دیکھا کہ وہ ایسی زمین میں کھڑا ہے جو کہ کھیتی کے لیے صحیح کی جاتی ہے تو وہ ایسا عمل کرے گا جس سے وہ کل بھلائی کی توقع رکھتا ہو گا۔

(11) اور اگر کسی نے غیر محل میں کچھ بویا تو وہ لواطت یا زنا کرتا ہو گا۔

(12) اگر دیکھا کہ بے وقتی کھیتی کاٹی جا رہی ہے تو یہ اس محلہ میں موت یا جنگ ہونے کی علامت ہے اور کھیتوں میں چلنا مجاہدین کی صفوں میں چلنے کی علامت ہے۔

(13) اگر کسی نے اپنے لیے کوئی معروف کھیتی دیکھی تو یہ اس کا عمل ہے خواہ دینی ہو یا دنیاوی۔

(14) اگر کسی نے دیکھا کہ وہ سبز کھیت میں کوشش کر رہا ہے تو وہ نیکی اور بھلائی کے کاموں میں کوشش کرتا ہو گا۔

(15) کھیت عورت پر بھی دلالت کرتا ہے کیونکہ اس میں بھی بویا جاتا ہے، ہل چلایا جاتا ہے، وہ حاملہ ہوتی ہے وضع حمل کرتی ہے اور کھیتی کی تیار ہونے تک دودھ پلاتی ہے جس طرح کہ پودے ایک عرصہ بعد زمین سے مستغنی ہو جاتے ہیں تو اس صورت میں اس کی بالی بچہ یا مال ہو گا۔

(16) کبھی کھیت بازار پر اور اس کی بالی بازار کی چیزوں منافع اور فوائد پر دلالت کرتے ہیں کیونکہ کھیتی کے بھی بہت سے فوائد، ضروریات، نفع اور نقصانات ہیں ایسے ہی کھیت میدانِ جنگ پر بھی دلالت کرتا ہے اس کے خوشے فوجیوں پر دلالت کرتی ہیں۔

(17) اور ان کی کٹائی فوجیوں کی تلواریں ہیں، کبھی یہ کھیت دنیا پر بھی دلالت کرتا ہے اور اس کے خوشے لوگ ہوں گے خواہ وہ بڑے ہوں یا چھوٹے جوان ہو یا بوڑھے، کبھی کھیت ان تمام مقامات پر دلالت کرتے ہیں جہاں پر آخرت کی کھیتیاں بوئی جاتی ہے اور وہاں اجر وثواب کے اعمال ہوتے ہیں جیسے مسجدیں، اصطبل خانے، ذکر کے حلقے اور صدقات کی جگہیں۔

خواب میں کھیتی فصل کاٹنا

(1) خواب میں کھیتی کاٹنا مشکل کی آسانی اور جلد حصولِ دولت کی دلیل ہے، کبھی اس سے مراد ہلاکت اور کبھی نصیحت بھی ہوتی ہے۔

(2) اگر کسی شخص نے دیکھا کہ خواب میں کھیتی کاٹ رہا ہے اگر وہ کسی ایسے شہر میں ہے جہاں لڑائی ہو رہی ہے یا جلا د اور لشکری ٹھہرے ہوئے ہیں تو درانتی سے کھیتی کاٹنے کی بمقدار لوگوں کے سر کٹیں گے۔

(3) اگر وہ کسی ایسی جگہ ہے جہاں لڑائی کا نام ونشان بھی نہیں اور وہ کھیتی مختلف محلوں اور گھروں میں ہے تو وبا اور طاعون کا خطرہ ہے۔

(4) اگر کھیتی بازاروں میں ہے تو نفعِ کثیر مراد ہے اور لوگ چیزوں کو بھاری منافع لے کر فروخت کریں گے۔

(5) اگر دیکھا کہ کھیتی مسجد میں یا کسی اور اچھی جگہ ہے اور علاقہ ہی کے لوگ کھیتی کاٹ رہے ہیں نہ کہ اجنبی تو وہ نیکیاں اور اجر ہے۔ ہر آدمی کاٹنے کی بمقدار انہیں حاصل کر رہا ہے، اگر کھیتی کاٹنے والے کاشتکار ہوں۔

(6) اگر کھیتی کو مکمل پکنے کے بعد کاٹیں تو کھیتی میں مصیبت یا اناج کا خاتمہ مراد ہے، کھیتی اجر وثواب ہے جو کاٹنے والے کو حاصل ہوتا ہے، بے وقت کھیتی کاٹنا موت اور قتال کی دلیل ہے،  اگر بے وقت ہری بھری کھیتی کاٹے تو یہ جو ان کی مرگ ہے۔

(7) اگر کھیتی سفید ہو تو بوڑھوں کی موت ہے۔

(8) جو کٹی کھیتی میں چلا وہ مجاہدین کی صفوں میں چلے گا۔

خواب میں کھیتی کاٹنے والے دیکھنے کی تعبیر

(1) خواب میں کھیتی کا دیکھنا فتنوں کو دیکھنا ہے، اگر دیکھے کہ کاٹنے والے سبز کھیتی میں اترے ہیں تو اس جگہ کوئی مصیبت آئے گی۔

(2) اگر دیکھے کہ بے وقت کھیتی کاٹ رہے ہیں تو اس جگہ دشمن کے حملے کی طرف اشارہ ہے۔

(3) ورنہ اس جگہ بے برکتی اور تقلیلِ جنس ہو گی۔

خواب میں کھیت دیکھنا

(1) خواب میں سبزی کی جگہ یعنی کھیت کی تعبیر غمزدہ آدمی ہے، لہذا جو شخص دیکھے کہ اس نے اپنے باغ سے سبزیوں کی گٹھڑی یا گٹھا جمع کیا ہے تو دلیل ہے اس کی عورتوں کے قرابتداروں کی طرف سے سارا شر وفساد اسی پر جمع ہو گا۔

 (2) اور خشک سبزی کی تعبیر مال ہے، بعض اہل تعبیر سبزی کو غم وحزن قرار دیتے ہیں ۔