خواب میں برتن دیکھنے کی تعبیر

khwab me bartan dekhne ki tabeer

خواب میں اس کو دیکھنا محل پر دلالت کرتا ہے۔

(۱) چنانچہ کسی نے خواب دیکھا کہ اس کو ایک برتن ملا جس میں موتی ہیں تو تعبیر ہے کہ اس کو ایک ایسا محل ملے گا جس میں خدمت گار مرد وعورت ہوں گے۔

(۲) اشنان کے برتن کا مالک ہونا ہموم وغموم سے چھٹکارے اور قرض سے نجات کی دلیل ہے۔

(۳) یمنی برتن کی دلالت ایسے بچے پر ہوتی ہے جس کی وجہ سے تجمل حاصل ہو اور عزت کی حفاظت کرنے والی بیوی پر بھی دال ہے۔

(۴) کبھی اس کی دلالت مجلد کتاب پر بھی ہوتی ہے۔

(۵) عورتوں کے برتن تکلیف اور غم کی نشانی ہیں، کبھی یہی خواب مصیبت زدہ کے لیے مصیبت سے خلاصی اور خوشی پر اور کبھی اولاد وازواج پر دلالت کرتا ہے۔

(۶) شیشے کا برتن بے وفا دوست کی علامت ہے۔

(۸) ٹھیکری کے برتن کی دلالت خادم اور باندیوں پر ہوتی ہے۔

(۹) خواب میں کوزہ فروش کی دلالت نسل پر، اولاد کی محبت، علم اور اس کی حفاظت پر ہوتی ہے۔

خواب میں برتن دیکھنا

Khwab me bartan dekhna

(۱) برتن اپنے مقصد میں کامیاب ہونے پر دلالت کرتا ہے اور اس کی دلالت ظریف پر بھی ہوتی ہے۔

(۲) کبھی مال اور علم کے برتن پر بھی اس کی دلالت ہوتی ہے۔

خواب میں ڈونگا، ڈونگہ یا باؤل دیکھنا

Khwab me bowl dekhna

(١) خواب میں اسے دیکھنا لونڈی یا خادم یا غلام پر دلالت کرتا ہے اور بہت سے ڈونگے ایسے خدام پر دلالت کرتے ہیں جو نکاح اور وطی کو جلدی قبول کرنے والے اور نرم ہوں۔

(۲) خواب میں اس برتن سے پانی پینا ان کی طرف سے مال حاصل کرنے کی علامت ہے۔

(۳) اگر کسی نے دیکھا کہ کوز ٹوٹ گیا تو خدام اور لونڈی اور بچوں کی موت کی دلیل ہے۔