(۱) اگر کوئی شخص خواب میں حضرت اسرافیل علیہ السلام کو صور پھونکتے ہوئے دیکھے اور یہ خیال کرے کہ اس کے علاوہ کسی نے نہیں سنا تو تعبیر ہے کہ وہ شخص مر جائے گا۔
(۲) اگر خواب دیکھنے والے کی دانست کے مطابق اس کے علاوہ دوسرے لوگوں نے بھی صور کی آواز سنی تو دلیل ہے کہ اس علاقے میں اموات کثرت سے ظاہر ہوں گی ۔ بعض معبرین نے کہا ہے کہ ایسا خواب ظلم پھیلنے کے بعد عدل اور ظالموں کی ہلاکت پر دلالت کرتا ہے۔
خواب میں اسرافیل علیہ السلام کا دیدار مندرجہ ذیل چیزوں پر بھی دلالت کرتا ہے: فوج کو تیار کرنا، سفر کی تیاری کرنا، محنت و مشقت، جزع و فرغ، اشیاء کے ضیاع، قرض کی ادائیگی، اعمال کا بدلہ، اسقاطِ حمل۔
حضرت اسرافیل علیہ السلام کو دیکھنا بے آباد گھر کی آبادی پر دلالت کرتا ہے۔ بعض علماء معبرین نے لکھا ہے نفخۂ اولی (پہلی مرتبہ صور پھونکنا) وباء امراض پر اور نفخۂ ثانیہ (دوسری مرتبہ صور پھونکنا) دیکھنا زندگی اور طاعون وغیرہ ختم ہونے پر دلالت کرتا ہے ۔۔