Khwab me neeche utarne descend krne ki tabeer
(1) خواب میں پہاڑ سے نیچے اترنا اچھا ہے، اور کبھی اترنا اللہ تعالیٰ کی ناراضگی کی طرف بھی اشارہ ہوتا ہےکیونکہ اللہ تعالیٰ کا فرمان ہے: ﴿وَقُلْنَا اهْبِطُوا بَعْضُكُمْ لِبَعْضٍ عَدُوٌّ﴾(ترجمہ: ہم نے ان سے کہا اتر جاؤ بعض تم میں سے بعض کے دشمن ہیں﴾۔
(۲) آسمان کی طرف چڑھنے کے بعد نیچے اتر نا عزت کے بعد ذلت کی علامت ہے۔ اور بقول بعض معبرین یہ دینی ریاست کے ساتھ دنیا وی نعمت نصیب ہونے کی دلیل ہے ۔
(۳) پہاڑ سے خود کو نیچے اترتا دیکھنا کشادگی نصیب ہونے کی دلیل ہے اور بقول بعض یہ خواب تبدیلیِ اموال اور مراد کے مشکل ہونے کی علامت ہے ۔
(۴) کسی سطح یا کسی اونچے مقام یا کسی بلڈنگ سے نیچے اتر نا اپنی سابقہ حالت کی طرف رجوع کرنے کی طرف اشارہ ہے
(۵) کسی پرانی سیڑھی سے نیچے اتر نا تجارت میں کمی واقع ہونے کی طرف اشارہ ہے
(۲) سیڑھی سے نیچے اترتے وقت سیڑھی کا ٹوٹ جانا مقابل کے غالب آنے کی دلیل ہے۔