khwab me bukhar fever dekhne ki tabeer
(۱) خواب میں بخار ہونا ادائیگئ قرض کی دلیل ہے کیونکہ یہ گناہوں کا کفارہ ہوتا ہے، کبھی بخار گناہوں پر ڈرانے دھمکانے کے لئے بھی ہوتا ہے۔
(۲) اگر بخار سے مراد قرض ہو تو وہ اکثر ۳۶۰ درہم ہوتا ہے اس لئے کہ ایک دن کا بخار ایک سال کا کفارہ ہے اور سال میں ۳۶۰ دن ہوتے ہیں جیسے انسانی اعضاء کے جوڑ ۳۶۰ ہیں۔
(۳) اگر گرمیوں کے موسم میں ٹھنڈا بخار ہو یا سردیوں کے موسم میں گرمی کا بخار ہو تو عمدہ لباس کی طرف اشارہ ہے، کبھی بخار میاں بیوی، اولاد یا شرکاء میں بدمزگی کی دلیل بھی ہوتا ہے، بخار سے وعدہ پورا کرنا بھی مراد ہوتا ہے کیونکہ یہ ہر مومن کو جہنم سے بچاتا ہے۔
(۴) اگر کوئی شخص کسی دوسرے کو بخار میں مبتلا دیکھے تو وہ کسی ایسے کام میں لگے گا جس میں اس کے دین کے فساد کا خوف ہے، بخار ملک الموت کا ایلچی ہے، یہ اس شخص اور اللہ کے درمیان رابطہ کے پیغام کے لئے آتا ہے۔
(۵) اگر روزانہ خود کو بخار میں مبتلا دیکھے تو وہ کسی گناہ میں مستقل گھرا ہوا ہے۔
(۶) اگر کبھی کبھی بخار ہوتو وہ ایسے گناہ میں مبتلا ہے جس سے تو بہ کرے گا اور اس پر اس کی گرفت بھی ہوگی۔
(۷) اگر دیکھے کہ چار دن بعد بخار ہوتا ہے تو وہ گناہ سے اکثر تو بہ کرتا رہتا ہے، لیکن اس گناہ پر اس کی گرفت ہو گی۔
(۸) جوڑی کا بخارسستی کی اور تیز بخار جلدی باطل کی طرف متوجہ ہونے کی دلیل ہے۔
(۹) اگر کوئی شخص خواب میں دیکھے کہ مرض الموت میں مبتلا ہوا اور اس میں اس کی وفات ہوئی، پھر اسے کفن پہنایا گیا تو دلیل ہے وہ کسی بڑے گناہ میں مبتلا ہو کر اللہ کے حکم کے خلاف کرنے کی جرأت کر رہا ہے، یہ بخار اس کے لئے تنبیہ ہے کہ وہ توبہ کر لے، یہ خواب کوئی سخت گناہگار ہی دیکھ سکتا ہے، اگر کوئی شخص خود کو بخار میں مبتلا دیکھے تو اس کی عمر دراز، اس کا جسم صحیح اور اس کا مال کثیر ہوگا، لوگ اس کی طمع رکھیں گے اور اس کی پناہ حاصل کریں گے، جوڑی کا بخار دین میں سستی پر بھی دلیل ہے، کبھی بخار کی وہی تعبیر ہوتی ہے جو حمام میں داخل ہونے کی تعبیر ہے یعنی مصیبت میں مبتلا ہونا۔