خواب میں سانپ دیکھنا

فہرست

Khwab me saanp dekhna

خواب میں سانپ سے مراد شر، حد، حیلہ ومکر بازی، دھوکہ دہی اور دشمنی کا ظہور ہوتا ہے۔
کبھی خواب میں سانپ دیکھنا جابر بادشاہ یا آگ کی علامت ہوتی ہے۔
کبھی خواب میں سانپ دشمن، دولت، خرانہ، بیوی یا اولاد ہوتی ہے۔
سانپ کے پاؤں اور کچلیوں سے دشمن کی قوت کا اشارہ ہوتا ہے۔
اگر سانپ کو مرا ہوا دیکھے تو اللہ تعالی اس کے دشمن کو خود ہی ہلاک فرما دیں گے۔
کسی نے دیکھا کہ سانپ اس کو کھینچ کر دریا کی طرف لے جارہا ہے تو دلیل ہے کہ حکومتِ وقت کی طرف سے اس کو سزاملے گی یا تعبیر ہے کہ اللہ تعالی کی طرف سے یا کسی رئیس کی طرف سے اس پر عذاب مسلط ہوگا۔
کبھی اس کی رؤیت لمبے زمانے پر بھی دلالت کرتی ہے۔
کسی نے دیکھا کہ سانپ کے تین یا چار یا پانچ یا چھ یا سات سر ہیں تو ہر سر کے بدلہ میں ایک مصیبت وفتنہ سے واسطہ اور سرا گر سات تک پہنچ جائیں تو دشمن کے ایسے شر وآفت کی دلیل ہے جس کا کوئی مقابلہ نہ ہو۔
اگر خواب میں انسان سانپ سے نہ ڈرے تو دولت وقوت ملنے کی دلیل ہے، خواب میں سانپ مالدار دشمن پر دلالت کرتا ہے کیونکہ زہر خواب میں مال ہوتا ہے۔
کالا سانپ بڑے دھوکے باز شخص پر دلالت کرتا ہے۔ جبکہ سفید سانپ دشمن کی کمزوری کی طرف اشارہ ہے۔
اگر سانپ پکڑے تو اسے دشمن سے امن کے ساتھ مال ملے گا۔
اگر سانپ کا خون اس کے ہاتھ پر گرا تو دشمن مرے گا اور اسے اس کی دولت حاصل ہو گی۔
اگر سانپ کو جلائے تو بادشاہ اپنے دشمنوں پر فتح پائے گا اور اپنے دشمنوں کو قتل کرے گا۔
سانپ کا اڑ نا سفر کی دلیل ہے۔
اگر بادشاہ سانپوں کا شکار کرے تو دشمنوں کو دھوکہ دے کر ان پر فتح حاصل کرے گا، سانپ ظلم کرنے والا، دل میں دشمنی رکھنے والا بدصورت شاہی آدمی ہے۔

گھر میں سانپ دیکھنا

گھروں میں پائے جانے والے سانپ مال ہیں۔ چنانچہ اگر اپنی جیب یا آستین میں سفید رنگ کا چھوٹا سانپ دیکھے اور اس سے نہ ڈرے تو یہ مال ملنے کی طرف اشارہ ہے۔
اگر اپنے گھر کو سانپوں سے بھرا دیکھے اور ان سانپوں کا کوئی ڈر بھی نہ ہو تو اس کے گھر میں مسلمانوں کے دشمن اور خواہشات پر چلنے والے لوگ جمع ہوں گے۔
اگر دیکھے کہ سانپ گھر میں داخل ہو رہے ہیں اور بغیر تکلیف پہنچائے با ہر نکل رہے ہیں تو اس کے رشتہ داروں میں بعض اس کے ساتھ دشمنی کریں گے۔ اگر اپنے گھر کے باہر ایسا دیکھے تو اجنبی دشمنوں کی طرف اشارہ ہے۔
اگر دیکھے کہ سانپ گھر سے نکلا ہے تو گھر کی ویرانی کی دلیل ہے۔
اگر کسی نے کسی نامعلوم گھر کی چھت پر سانپ دیکھا، سانپ نے نقصان نہیں پہنچایا اور دیکھ کر بھاگ گیا تو تعبیر یہ ہے کہ کوئی دشمنی رکھنے والا اور بر چاہنے والا ہے لیکن نقصان نہیں پہنچا سکے گا۔

خواب میں سانپ کا ڈسنا

اگر سانپ نے ڈس لیا تو دشمن سے تکلیف پہنچے گی۔ اگر زہر کے اثر سے اس کا جسم الگ الگ ٹکڑوں میں تقسیم ہو گیا تو دشمن سے لڑنے اور اولاد کے مختلف شہروں میں بسنے کی دلیل ہے۔ اگر زہر کے اثر سے مر گیا تو دشمن کے ہاتھوں قتل ہوگا۔
اگر سانپ نے ڈسا اور آدمی پھول گیا تو دشمن کے مکر میں مبتلا ہو گا، لیکن مالِ عظیم حاصل کرے گا۔
سانپ ڈسنے میں کامیاب ہو گیا تو صاحبِ خواب ایسی مصیبت میں گرفتار ہو گا جس سے چھٹکارا مشکل ہو ۔

خواب میں سانپ سے بات کرنا

خواب میں سانپ سے باتیں کرنا بہت بڑے دشمن کو دیکھنا ہے۔
کسی نے دیکھا کہ سانپ کوئی نقصان پہنچائے بغیر اس کی طرف چلا آ رہا ہے یا دیکھا سانپ اس سے صاف صاف کلام کر رہا ہے تو یہ بہت زیادہ خیر کی دلیل ہے۔ یا اس کی تعبیر ایسا دشمن ہے جو اپنی دشمنی چھپا رہا ہے۔
اگر دیکھے کہ اس سے سانپ نرمی سے باتیں کر رہا ہے تو اشارہ ہے کہ دشمن سے بھلائی حاصل کرے گا اور لوگ اس پر حیران رہ جائیں گے۔
اگر سانپ نے ڈرانے اور دھمکانے کے انداز میں بات کی تو دلیل ہے دشمن بغاوت کرے گا الا یہ کہ سانپ ڈس بھی لے کیونکہ اس صورت میں ڈسنے کی تعبیر بیان کی جائے گی۔

خواب میں سانپ بن جانا

کسی نے دیکھا کہ وہ سانپ بن گیا تو دلیل ہے کہ وہ لمبی عمر پائے گا اور طاقت حاصل کرے گا۔
کسی نے خواب دیکھا سانپ کی شکل بدل گئی ہے اور وہ مرد بن گیا تو جنات کی طرف اشارہ ہے اور اگر سانپ عورت بن گیا تو مؤنث جنات کی فوج کی علامت ہے۔
اگر خواب میں سانپ بن گیا تو صاحبِ خواب کی حالت تبدیل ہوگی اور مسلمانوں کا دشمن بنے گا۔

خواب میں سانپ کا مالک بننا

کسی نے دیکھا وہ سانپ کا مالک بن گیا تو دلیل ہے کہ صاحبِ خواب کسی کم عقل آدمی پر کامیابی حاصل کرے گا۔
اگر سیاہ سانپ حاصل کئے یا ان کا مالک بنا اور وہ سانپ اس کے مطیع بھی ہیں نیز وہ سانپ زہریلے بھی نہ ہوں تو سونے اور چاندی کے مدفون کے ذریعے دولت مند ہو گا یا اسے اکسیر حاصل ہو گا اور اس سے سونے بنائے گا۔

خواب میں سانپ کا گوشت کھانا

خواب میں سانپ کا گوشت کھانا بادشاہ کی طرف سے مال ملنے کی دلیل ہے۔
اگر سانپ کا گوشت کچا کھایا تو دشمن پر کامیابی اور جہاد کے ذریعے مالِ حلال کے حصول کی دلیل ہے۔
سانپ کا گوشت کھانا سرور ومنفعت، مرتبے اور عشرت کی دلیل ہے۔
سانپ کی چربی اور اس کا گوشت دشمن کا حلال مال ہے یا دشمن کی طرف سے حفاظت کی خوشخبری ہے۔

خواب میں انسان کے اعضا میں سانپ دیکھنا

اپنے سر پر سانپ دیکھنا بادشاہوں کے ہاں سے بلند مرتبہ کا حصول ہے۔
سانپ کا منہ میں داخل ہونا دشمن کے قبر کی طرف اشارہ ہے۔
اگر دیکھے کہ سانپ اس کی ناک یا پیٹھ یا آلہ تناسل سے نکلا ہے تو اولاد کی دلیل ہے۔
اگر کان، پیٹ، فرج، دبر سے سانپ نکلا ہے تو گناہ اور افراطِ دین کی دلیل ہے۔
پیٹ کے کیڑوں کی تعبیر وہ رشتہ دار ہیں جو انسان کے ساتھ ایک ہی دستر خوان پر کھاتے ہوں۔ اگر ان کیڑوں میں کچھ دیکھے تو ایسے شخص سے جدا ہو گا جو اس کے ساتھ کھاتا ہو۔
اگر ازار بند کی جگہ سانپ باند ھے تو ہمیانی (پیسے کی تھیلی) باندھنے کی دلیل ہے۔
اگر دیکھے کہ اپنے ہاتھ کے ذریعے سانپ کو اپنے پاخانہ کی جگہ سے نکالتا ہے تو گھر والوں اور رشتہ داروں کی جانب سے مصیبت کی طرف اشارہ ہے۔
گھروں میں رہنے والے سانپ پڑوسی اور جنگلوں کے رہنے والے ڈاکو کی علامت ہیں۔

عورت کا خواب میں سانپ جننا

خواب میں اگر کوئی عورت اپنے آپ کو سانپ جنتی دیکھے تو دلیل ہے کہ اس کے ہاں اپاہج اور معذور بچہ پیدا ہوگا ۔ اس لئے کہ سانپ زمین پر رینگ کر چلتا ہے۔
اگر حاملہ عورت خواب دیکھے کہ اس نے سانپ جنا ہے تو اس کی تعبیر ہے کہ اس کے ہاں فصیح اللسان اور اچھا بولنے والا خطیب بیٹا پیدا ہو گا جو دو ناموں سے معروف ہو گا۔
یا پھر اس کی یہ تعبیر ہے کہ اس کے ہاں جادوگر یا کاہن یا شریر فاسق یا چور بیٹا پیدا ہوگا۔

خواب میں سانپ کو قتل کرنا

سانپ کو قتل کرنا دشمن پر کامیاب ہونا ہے۔
کبھی سانپ قتل کرنا کسی عورت سے شادی کی دلیل ہے۔
اگر سانپ کو اپنے بستر پر قتل کرے تو دلیل ہے کہ بیوی فوت ہوگی۔
اگر دیکھے کہ سانپوں کو بازاروں میں قتل کیا جا رہا ہے تو لڑائی اور اس جگہ کے دشمنوں کی فتح کی دلیل ہے۔
کبھی سانپ قتل کرنا کسی عورت سے شادی کی دلیل ہے۔
اگر دیکھے کہ سانپ آپس میں لڑ رہے ہیں اور انہوں نے بڑے سانپ کو قتل کر دیا تو دلیل ہے اس شہر کا والی قتل ہوگا۔
اگر سانپ کو دو ٹکڑوں میں تقسیم کیا تو دشمن کی دشمنی کو ختم کرے گا۔ اگر یہ خواب بادشاہ دیکھے تو اشارہ ہے اس کی مملکت زوال پذیر ہوگی اور اس کے قتل کا خطرہ ہے۔
اگر دیکھے کہ سانپ آپس میں لڑ رہے ہیں اور انہوں نے بڑے سانپ کو قتل کر دیا تو دلیل ہے اس شہر کا والی قتل ہوگا۔ اگر قتل شدہ سانپ بڑا نہ ہو بلکہ دیگر سانپوں جیسا ہو تو دلیل ہے بادشاہ کا لشکری قتل ہوگا۔
اگر خواب میں سانپ اپنی گردن میں پڑا دیکھے اور اس کے تین ٹکڑے کر دے تو اپنی بیوی کو تین طلاق دے گا۔
اگر سانپ کے دو ٹکڑے کیے تو دشمن سے نصف حصہ وصول کرے گا۔
اگر خواب میں سانپ کے دونوں ٹکڑے حاصل کیے تو کسی ایسے آدمی سے فائدہ اُٹھائے گا جو نوکر چاکر اور بہت سی اولا د والا ہوگا۔
کبھی سانپ کے تین ٹکڑے کرنا تین دشمنوں کو تابع کرنا ہے، رئیس مرد کو، غنی مرد کو، خادموں اور اولا دوالے ہونے پر دال ہے۔

مریض کا خواب میں سانپ کو دیکھنا

مریض کا خواب میں سانپ دیکھنا اس کی موت پر دلالت کرتا ہے۔
اگر مریض سانپ کو اپنے منہ سے نکلتا دیکھے تو اس کی موت کی طرف اشارہ ہے۔

خواب میں سانپ پالنے والا یا سپیرا دیکھنے کی تعبیر کے لیے یہاں کلک کریں۔

خواب میں سانپ دیکھنے کی اہم تعبیریں

khwab me saanp snake dekhne ki tabeer

اگر دیکھے کہ سانپ بل سے نکل رہا ہے اور دوبارہ بل میں گھس رہا ہے تو یہ اشارہ ہے کہ کوئی جن اسے تکلیف پہنچانے کی فکر میں ہے۔
اگر دیکھے کہ سانپ سے لڑتا ہے تو قوی دشمن سے لڑے گا، خواب میں جو کامیاب ہوا بیداری میں بھی وہی کامیاب ہوگا۔
اگر سانپ کو اپنے پیچھے چلتے دیکھے تو دشمن کے مکر کی طرف اشارہ ہے۔ گر سانپ کو اپنے سامنے دیکھے تو دشمن اسے نقصان نہیں پہنچا سکیں گے۔
اگر سانپ کو دیکھ کر بھاگا تو دشمن سے امن میں رہے گا۔
اگر سانپ کو کھینچا تو دشمن سے حرام مال اور اس پر کامیابی حاصل کرے گا۔
اگر سانپ کی جھلی سونے کی دیکھے تو کسری کے خزانوں میں سے کوئی خزانہ حاصل ہوگا۔
اگر سانپ کو بلندی پر چڑھتا دیکھے تو راحت اور مسرت حاصل ہوگی۔ اگر سانپ کو پستی کی طرف اترتا دیکھے تو اس جگہ کا رئیس فوت ہوگا۔
زمین سے سانپ نکلنا اس جگہ عذاب کے خطرے کی طرف اشارہ ہے، اگر دیکھے کہ سانپ نے اسے نگل لیا ہے تو یہ سلطنت ملنے کی نوید ہے۔
خواب میں سانپوں کو پھاندنا یا ان کے درمیان چلنا ایسی موسلا دھار بارشوں کی دلیل ہے جس سے وادیوں میں سیلاب آ جائے۔
سینگ والے سانپوں کو دیکھنا وزارت حاصل کرنا ہے اگر اس کا اہل ہو، اگر تاجر ہوتو مالِ تجارت میں نفع کی دلیل ہے، کبھی سانپوں سے مراد کفار، بدعتی اور زانی لوگ بھی ہوتے ہیں اور کبھی اس سے بادشاہ مراد ہوتا ہے۔
اگر کوئی شخص خود کو سانپوں کی جماعت کا سردار دیکھے تو اشارہ ہے کہ صاحبِ خواب سپہ سالار لشکر بنے گا اور عظیم سلطنت حاصل کرے گا۔
عضوِ تناسل سے سانپ کا نکلنا ولادت کی دلیل ہے۔
اگر اپنے باغ کو سانپوں سے بھرا دیکھے تو باغ کی نمو اور نباتات کی کثرت کی طرف اشارہ ہے، سانپ کی دلالت کبھی سیلاب، کبھی دولت اور کبھی زندگی پر ہوتی ہے۔

خواب میں دیکھنا کہ سانپ قریب آنا چاہتا ہے

اگر خواب میں آیا کہ ایک سانپ اس کو دیکھ رہا ہے اور اس کے پاس آنا چاہتا ہے اور خواب دیکھنے والا ڈر رہا ہو، لیکن ایسا محسوس ہوا کہ اس کی نظر میں محبت ہے۔ تو تعبیر یہ ہوگی کہ اس سانپ سے بے دین دوست کی طرف اشارہ ہے جو بظاہر آپ سے محبت کرتا ہے، لیکن حقیقتاً دل میں بغض اور عداوت رکھتا ہے؛ اس لیے احتیاط کی ضرورت ہے۔

سانپ کی تعبیر زکات

سوال: حضرت میں نے خواب میں دیکھا کہ کمرہ میں بستر ہے اور اس پر سانپ پڑا ہوا ہے۔ دوسری جگہ دیکھا کہ میرے آگے بہت سے کالے رنگ کے سانپ جا رہے ہیں، ان میں درمیان والا سب سے اونچا ہے او ر باقی دونوں طرف یعنی دائیں اور بائیں نیچے ہو کر ساتھ ساتھ چل رہے ہیں، اور میں خود سے دل میں کہہ رہا ہوں کہ یہ سانپ تجھے قبر میں کھائیں گے۔ براہ کرم تعبیر بتاکر شکریہ کا موقعہ عنایت فرمائیں۔

جواب: (۱) اس طرف بھی اشارہ ہو سکتا ہے کہ اگر آپ صاحب نصاب ہیں تو ٹھیک ٹھیک حساب کرکے اس کی زکات نکالا کریں ورنہ آخرت میں نقصان پہنچے گا۔ (۲) ان سانپوں نے کوئی تکلیف نہیں پہونچائی تو اشارہ کسی دشمن کی طرف ہوسکتا ہے مگر وہ نقصان نہیں پہنچا سکے گا۔ بہر حال شیطانی خیالات بھی خواب کی شکل میں نظر آتے ہیں لہٰذا آپ ان خیالات کے اُدھیڑبن میں نہ لگیں اللہ تعالی پر بھروسہ کریں اور اپنے ایمان اعمال اخلاق کو درست اور شریعت کے مطابق کرنے کی کوشش کریں۔