Khwab me Qurbani Krne ki Tabeer
(1) خواب میں قربانی کرنا نذر مان کر اس کو پورا کرنے، مصائب سے خلاصی اور مرض سے نجات پر دلالت کرتا ہے۔ اور کبھی رزق کی فراوانی اور جانوروں کی زیادتی پر بھی دلالت کرتا ہے۔ اور کبھی اس سے تعبیر بتانے والے کی تعبیر دینے میں غلطی کر جانے کی طرف بھی اشارہ ہوتا ہے ۔
(۲) خواب میں اونٹ کی قربانی کرنا اوّل وقت میں نمازِ جمعہ کے کے لیے جانے کی دلیل ہے۔
(۳) خواب میں گائے کی قربانی کرنے کی تعبیر اوّل وقت کے بعد جمعہ کی نماز کے لیے جانے سے کی جاتی ہے ۔
(۳) اور اگر مینڈھا قربان کرتے ہوئے دیکھے تو یہ دلیل ہے کہ وہ شخص تیسری گھڑی میں جمعہ کے لیے جائے گا۔
(۵) اسی طرح خواب میں مرغی قربان کرنا چوتھی گھڑی میں اور انڈا صدقہ کرنا پانچویں گھڑی میں جمعہ کے لیے مسجد جانے کی دلیل ہے۔
(۷) کبھی خواب میں قربانی کرنے کی تعبیر تقسیم مال کے لیے حکم صادر کرنے سے کی جاتی ہے ۔
(۸) قربانی کرنا تمام سختیوں سے نجات اور ظہور برکت کی بشارت ہے ۔
(۹) اگر حاملہ عورت اپنے آپ کو قربانی کرتے ہوئے دیکھے تو اس کی تعبیر نیک بیٹے کی پیدائش سے کی جاتی ہے ۔
(۱۰) اسی طرح اونٹ، گائے، مینڈھا وغیرہ قربانی کرنا غلام آزاد کرنے کی طرف اشارہ ہے۔
(۱۱) خواب میں غلام کا اپنے آپ کو قربان کرنا اس کی آزادی کی دلیل ہے اور اگر صاحب خواب قید میں ہے تو قید سے نجات ہوگی۔ اور اگر یہی خواب مقروض آدمی دیکھے تو اس کی قرض سے خلاصی ہوگی۔ اور فقیر دیکھے تو فقر ختم ہو جائے گا۔ اور خوف زدہ آدمی دیکھے تو پُر امن ہو گا یا حج کی سعادت نصیب ہوگی۔ اور دشمن سے لڑنے والے دشمنوں پر غالب ہوں گے ۔ اور غمزدہ کو غم سے نجات ملے گی ۔
(۱۳) اگر کوئی شخص دیکھے کہ وہ قربانی کا گوشت تقسیم کر رہا ہے تو وہ غموں کے ہجوم سے نکلے گا اور اس کو عزت و شرف نصیب ہوگا ۔
(۱۴) اگر کوئی شخص اپنے آپ کو قربانی کا گوشت چوری کرتے ہوئے دیکھ لے تو تعبیر ہے کہ صاحب خواب اللہ تعالی پر جھوٹ باندھے گا۔
(۱۵) بعض اہل تعبیر نے کہا ہے کہ خواب میں قربانی کرتے ہوئے دیکھنا صاحب خواب کی موت کی نشانی ہے اور بعض نے مرض سے صحت یاب ہونے کی علامت قرار دیا ہے۔
خواب میں قربانی کرنا
Khwab mein qurbani karna
خواب میں قربانی کرنا بیوی پر یا ایسے لڑکے پر دلالت کرتا ہے جس کی وجہ سے اس کو عزت ملے یا ایسی چیز پر دلالت کرتا ہے جس کے ذریعے وہ عمل صالح کر سکے، کبھی اس کی دلالت غم اور رشتہ داروں میں جھگڑے پر اور جہاد وشکار سے فائدہ حاصل کرنے پر ہوتی ہے، اس کا بیان باب الف ”اضحیہ“ میں یعنی قربانی کے تحت گزر چکا ہے۔