خواب میں خون کو دیکھنے کی تعبیر

Khwab me khoon blood dekhne ki tabeer

(۱) خون کی دلالت مالِ حرام یا صاحبِ خواب سے سرزد ہونے والے گناہوں پر ہوتی ہے۔

(۲) کسی نے خواب دیکھا کہ وہ خون میں لت پت ہوا ہے تو وہ مالدار ہو گا اور مالِ حرام میں مبتلا ہوگا۔

(۳) کسی نے دیکھا کہ اس کی قمیص میں خون لگا ہے اور اس کو نہیں معلوم کہ وہ کسی طرح لگا ہے تو اس پر ایسی چیز واجب کی جائے گی جس کا وہ شعور نہیں رکھتا۔

(۴) خواب میں بلی کے خون سے قمیص کالت پت ہونا کسی چور کی طرف سے کچھ واجب ہونے کی دلیل ہے۔

(۵) کسی درندے کا خون لگنا ظالم اور بد مزاج قسم کے حکمران کی طرف سے واجب کرنے کی علامت ہے۔

(۶) مینڈھے کے خون سے ملوث ہونا کسی شریف آدمی کی طرف سے واجب ہونے پر دلالت کرتا ہے اور خون بہنے کی بقدر مال ملنے کی بھی علامت ہے۔

(۷) یہ خواب گھر سے غائب کے لئے صحیح سلامت خیر، نیکی اور سرور کے ساتھ واپس لوٹنے کی طرف اشارہ ہے۔

(۸) کسی نے خواب دیکھا کہ اس نے کسی انسان کا خون پی لیا ہے تو وہ مال ومنفعت پائے گا اور ہرمصیبت وآزمائش اور بلا سے نجات پائے گا۔

(۹) بعض علماء کی رائے کے مطابق خواب میں کسی انسان کا خون پی لینا گناہ سے بچنے کی طرف مشیر ہے۔

(۱۰) خواب دیکھا کہ خون کے کنویں میں گر گیا ہے تو وہ خون کی آزمائش یا مالِ حرام میں مبتلا ہوگا۔

(۱۱) کسی جگہ میں خون کی وادی دیکھنا اس مقام پر اس کے خون بہنے کی دلیل ہے۔

(۱۲) کسی نے خواب دیکھا کہ اس کے بدن سے بغیر زخم اور بغیر پچھنے لگوائے خون بہنے لگا اگر وہ مالدار ہے تو یہ اس کے مال کے بقدر خون ہاتھ سے نکلنے کی علامت ہے اور صاحبِ خواب اگر مالدار نہیں ہے تو بمقدارِ خون فائدہ حاصل کرے گا۔

(۱۳) خون سے بھرے مٹکے میں گرنا خون کے حملہ آور ہونے کی نشانی ہے۔

(۱۴) مٹی کی صراحی میں بھرا خون حائضہ عورت پر دلالت کرتا ہے چنانچہ خون سے بھرے مٹکے کے منہ کا بند ہونا حیض کے بندش کی طرف اشارہ ہے۔

(۱۵) کبھی خون کی دلالت اپنے یار کی زندگی، قوت اور مال اور اس کے مددگار وکفیل پر ہوتی ہے یا اس کی دلالت لباس پر اور کبھی تعریف اور کبھی مذمت پر بھی ہوتی ہے اور کبھی اس کی دلالت خون نکلنے کی وجہ سے کمزور شدہ پر ہوتی ہے۔

(۱۶) خون پینا مالِ حرام کھانے کی طرف اشارہ ہے۔

(۱۷) خواب میں بدن سے زیادہ خون نکلنا اپنے والد، والدہ، شریک کار سے حصولِ نفع کے مشکل ہونے کی دلیل ہے یا اپنے ملبوسات میں سے کوئی چیز بیچنے یا اپنی بیوی وغیرہ سے جدائی کی علامت ہے۔

(۱۸) کبھی خون کی دلالت انسان کے رگوں میں چلنے والے شیطان پر ہوتی ہے۔

(۱۹) خواب میں اپنا خون پیناغم وحزن پہنچنے یا قرض کو قرض کے ذریعے ادا کرنے پر دلالت کرتا ہے، اس طرح کہاوت ہے ”فُلَانٌ يَغْسِلُ الدَّمَ بِالدَّمِ“ یعنی فلاں آدمی خون کو خون سے دھوتا ہے اور اسی طرح یہ خواب اپنے دشمن کے مقابلے میں فاتح ہونے پر بھی دلالت کرتا ہے۔

(۲۰) خون کا زیادہ نکلنا غم اور ضرورت کے وقت نکلنا راحت اور زوالِ غم کی دلیل ہے۔

(۲۱) دمِ حیض غیر شادی شدہ عورتوں کے لیے شوہر کی علامت ہے اور حاملہ عورتوں کت لیے اسقاطِ حمل کی خبر ہے اور بوڑھی عورتوں کے لیے مرض پر دلالت کرتا ہے۔

(۲۲) خواب میں دبر سے خون آتا دیکھنا گناہوں سے نکلنے کی طرف اشارہ ہے اور دبر کا خون آلود ہونا مالِ حرام سے نکلنے پر دلالت کرتا ہے۔

(۲۳) کبھی یہ رگوں کے منہ کھلنے کی بنا پر مرض في الدبر پر بھی دلالت کرتا ہے۔