Khwab me dafan bury krne ki tabeer
(۱) کسی نے دیکھا کہ اس کا انتقال ہوا اور دفنایا گیا تو مالی منفعت سے خالی طویل سفر کرے گا۔
(۲) کسی نے دیکھا کہ اس کو زندہ درگور کر دیا گیا اگر دفن کرنے والے کو پہچانتا ہے تو وہ اس کے ساتھ ظلم یا قہر یا بات چیت یا قید کرنے کی ابتداء کرے گا۔
(۳) اگر دیکھا کہ اس کو دفنانے کے بعد مرگیا تواسی غم اور حزن کے سب اس کا انتقال ہوگا۔
(۴) اگر نہیں مرا تواس ظلم، قہر اور حبس سے نجات پانے کی دلیل ہے۔
(۵) خواب دیکھا کہ اس کو ایک گڑھے کے اندر ڈال دیا گیا تو دلیل ہے کہ اس کو ہلاکت کے حوالہ کیا جائے گا اور اس سے اس کا نام روشن ہوگا۔
(۶) اگر اس کو لحد میں اتارا گیا تو یہ گھر ملنے کی دلیل ہے اور اگر او پر مٹی بھی ڈال دی گئی تو یہ بقدرِ مٹی مال نصیب ہونے کی علامت ہے۔
(۷) بعض علماءِ تعبیر کہتے ہیں خواب میں دفن ہونا دین میں فساد واقع ہونے کی علامت سمجھی جاتی ہے اور اس سے زندہ سلامت نکلنے کی تعبیر اس کے خلاف ہے۔
(۸ ) خواب میں دفنا کر مٹی ڈال کر ہاتھ جھاڑ نا توبہ سے مایوسی کی طرف اشارہ ہے اور زندہ دفن کرنے کی اچھی تعبیر نہیں، کیونکہ یہ بہت زیادہ تکلیف میں واقع ہونے پر دلالت کرتا ہے۔
(۹) کسی نے دیکھا کہ اس کے گھر میں علماء میں سے کوئی عالم یا حکماء میں سے کوئی حاکم مدفون ہوا اور اس نے اس کو زندہ نکال لیا تو وہ ان کے علم وحکمت کا وارث ہو گا اور اس فن میں ان کا قائم مقام ہو گا، اسی طرح انبیاء یا اولیاء میں سے کسی مدفون کی بھی یہی تعبیر ہے۔
(۱۰) کسی نے دیکھا کہ طلوعِ شمس یا ظہر کے وقت یا وقتِ مغرب میں دفن کر دیا گیا تو وہ امر بالمعروف اور نہی عن المنکر کرے گا۔
(۱۱) کسی زندہ کو دفن کرنا سازش اور دھوکہ دینے کی دلیل ہے، کبھی اس کی تعبیر مدفون کے فقر کے بعد غنی ہونے سے بھی کی جاتی ہے اور کبھی بے زوج ہونے کے بعد صاحبِ زوجہ ہونے اور کبھی وحشت کے بعد انسیت پر بھی دلالت ہوتی ہے۔
(۱۲) خواب میں مردے کا کسی زندہ کو دفن کرتے ہوئے دیکھنا قرض میں گھر جانے یا جس کام میں وہ لگا ہوا ہے اس کے ختم ہونے یا کسی ضمان کے سبب پابند ہونے کی دلیل ہے۔
(۱۳) خواب میں مردے کو دوبارہ دفن کرنا سرزد ہونے والی برائی سے چشم پوشی پر دلالت کرتا ہے۔
(ٍ۱۴) خواب میں مردے کو دفناتے ہوئے دیکھنا رشتہ داروں میں کچی محبت پیدا ہونے کی طرف اشارہ ہے۔
(۱۵) کبھی دفن کرنا مندرجہ ذیل پر بھی دلالت کرتا ہے قید ہونا، نکاح کرنا، امانت رکھنا وغیرہ۔
(۱۶) کسی نے خواب دیکھا کہ وہ مر گیا یا دفن کر دیا گیا تو گنا ہوں سے توبہ نہیں کی ہے۔
(۱۷) خواب میں قبر میں سے نکلنا گنا ہوں سے تو بہ کرنے کی دلیل ہے۔
(۱۸) خواب میں زندہ دفن کیا جانا قید ہو کر تنگی میں واقع ہونے کی علامت ہے۔